Біліктілік санатының қолданылу мерзімі биыл қыркүйек-желтоқсан аралығында аяқталатын педагогтардың келесі аттестаттау мерзімі белгілі болды.
Бұл туралы ҚР Оқу-ағарту министрлігіне сілтеме жасап Педагог-KZ хабарлайды.
Министрліктің 2024 ж. 5 қарашадағы бұйрығына сәйкес аталған педагогтардың келесі аттестатату кезеңі 2025 жылдың қаңтар - 1 қыркүйегі аралығындағы мерзім болып белгіленді.
Бұйрықта сондай-ақ, білім беру ұйымдарына аталған педагогтар бойынша тиісті шаралар қабылдауды және біліктілік санаты үшін белгіленген мерзімге дейін қосымша ақы төлеуді қамтамасыз ету туралы айтылған.