47 педагог «Педагогикалық идеялар панорамасы – 2025» республикалық байқауының жеңімпазы атанды, – деп хабарлайды Педагог-KZ «Өрлеу» біліктілікті арттыру ұлттық орталығына сілтеме жасап.
Жеңімпаздар оқу сауаттылығы, математикалық сауаттылық, жаратылыстану-ғылыми сауаттылық, цифрлық сауаттылық, қаржылық сауаттылық, экологиялық сауаттылық және мәдениетаралық сауаттылық секілді 7 бағыт бойынша анықталды.
Жеңімпаздарды марапаттау рәсімі 20 желтоқсан күні Астана қаласында өтеді. Байқаудың жүлделі орындары салтанатты шара барысында жарияланады.
Айта кету керек, Оқу-ағарту министрлігінің мәліметіне сай, «Педагогикалық идеялар панорамасы – 2025» байқауына биыл рекордтық 16 мыңнан аса өтінім түскен. Бұл өткен жылмен салыстырғанда үш есе көп.