Қазақстанда жаңа бастама қолға алынып, «Педагог-профориентатор» лауазымы алғаш рет ресми түрде бекітілді. Бұл туралы Педагог-KZ хабарлайды.
Жаңа мамандық ашудағы мақсат – оқушыларға мамандық таңдау кезеңінде ерте бағыт-бағдар беру, сондай-ақ білім беру жүйесінің барлық қатысушыларының (оқушылар, ата-аналар, педагогтар, колледждер, жұмыс берушілер) арасында тиімді өзара байланыс орнату.
Педагог-профориентатор негізгі міндеттері:
-
Оқушыларға мамандық және білім бағытын таңдауда қолдау көрсету;
-
Жеке және топтық кәсіби кеңес беру жұмыстарын жүргізу;
-
Кәсіптік бағдар беруге арналған іс-шараларды ұйымдастыру;
-
Жұмыспен қамту орталықтары, колледждер мен кәсіпорындармен байланыс орнату;
-
Оқушыларға еңбек нарығындағы сұранысқа ие мамандықтар мен заманауи үрдістер туралы ақпарат беру.
Бұл жаңашылдық оқушылардың саналы әрі дұрыс кәсіптік таңдау жасауына ықпал етіп, жұмысшы мамандықтарының беделін арттыруға бағытталған. Сонымен қатар, еңбек нарығында білікті мамандар даярлау мен жұмысқа орналасу үдерістерін тиімді ұйымдастыруға септігін тигізеді.