Шымкент қаласының білім басқармасына қарасты ұйымдарда 2063 бос жұмыс орны бар. Кадр жетіспеушілігі мәселесін шешу мақсатында қала әкімдігі бос жұмыс орындарының жәрмеңкесін ұйымдастырмақ, деп хабарлайды Педагог-KZ қала әкімдігіне сілтеме жасап.
Атап айтқанда, педагогикалық лауазымдар бойынша:
жалпы орта білім беру ұйымдарына – 1165,
техникалық және кәсіптік білім беру ұйымдарына – 170,
арнайы және қосымша білім беру ұйымдарына – 155,
орталықтарға – 35,
кіші қызметкерлерге – 543 маман қажет.
Кейбір білім беру ұйымдарында 50–80-ге дейін бос орын тіркелген.
Мысалы:
Н. Оңдасынов атындағы №38 мектеп-гимназияда – 84,
А. Пушкин атындағы №1 мектеп-гимназияда – 55,
№45 мектеп-гимназияда – 47,
Д. Менделеев атындағы №15 мектеп-лицейде – 38,
техникалық және кәсіптік білім беру ұйымдарының ішінде Саз колледжінде – 65,
Политехникалық колледжде – 33,
Жол-көлік колледжінде – 24 бос жұмыс орны бар.
Бос жұмыс орындарының жәрмеңкесі 29–30 қаңтар күндері Шымкент қаласындағы «Көрме» орталығында сағат 09:00-ден 16:00-ге дейін өтеді.