Оқу-ағарту министрі Жұлдыз Сүлейменова педагогтардың құқықтық мәртебесін одан әрі нығайту мақсатында заңнамалық өзгерістер жүзеге асатынын мәлімдеді. Бұл туралы министр ұстаздар мерекесіне арналған бейнеқұттықтауында айтты, деп хабарлайды Педагог-KZ.
«Президентіміз мұғалімдердің құқықтық мәртебесін одан әрі нығайтуды тапсырып, бірнеше міндеттер жүктеді. Осыған байланысты біз Парламент Мәжілісімен бірге заңнамалық өзгерістерді жүзеге асыратын боламы з және осы жолда ұстаздар қоғамдастығымен міндетті түрде ақылдасатындығымызды атап өткім келеді», – деді Жұлдыз Сүлейменова министрлік таратқан бейнеқұттықтауда.